A Aula CeMIT do Concello de Guitiriz acollerá a próxima semana o obradoiro ‘Crea en 3D: Edición Navideña’. A actividade, que forma parte da programación municipal polo Nadal, está programada para os días 15, 16 e 17 de decembro en horario de 10:15 a 12:15 horas.

Trátase dunha proposta dirixida a todas aquelas persoas interesadas en iniciarse ou afondar no deseño en 3D, realizando creacións de temática natalicia. As persoas participantes poderán elaborar os seus propios adornos personalizados para decorar as árbores e espazos do fogar, combinando creatividade con aprendizaxe tecnolóxica.

O obradoiro desenvolverase nas instalacións da Aula CeMIT de Guitiriz e contará cun máximo de 12 prazas. As persoas interesadas en participar poden inscribirse a través do correo electrónico cemit.guitiriz@xunta.gal ou chamando ao teléfono 982 37 00 62, onde tamén se pode solicitar máis información sobre a actividade.