O espectáculo de narración oral e música ‘As mil e unha’, que inicialmente estaba previsto dentro da programación do Día das Letras Galegas, xa ten nova data. Será o vindeiro luns, 29 de xuño, ás 11:30 horas, na Escola Habanera. Contará con entrada libre e gratuíta.
A proposta estaba prevista para o pasado mes de maio, pero tivo que ser adiada por motivos de saúde da actriz.
O espectáculo, da man de Vero Rilo e Luis Iglesias, enmárcase dentro do programa de dinamización lingüística FalaRedes.