O Centro de Información ás Mulleres Móbil estará esta mañá en Guitiriz.
Estará situado fronte ao Concello de 10:00 a 14:00 horas.
Neste punto prestaranse diversos servizos, como:
- Asesoramento xurídico, atención psicolóxica e orientación social ás mulleres vítimas de calquera forma de violencia de xénero e, de ser o caso, ás fillas, aos fillos e ás persoas menores ao cargo da muller vítima, ou ás persoas maiores dependentes, facilitando o acceso aos correspondentes recursos.
- Atención específica ás mulleres que, pola súa situación de especial vulnerabilidade, sexan susceptibles de sufrir calquera forma de violencia de xénero.
- Información sobre os recursos dispoñibles na contorna local, ou, de ser o caso, a nivel comarcal, provincial ou autonómico.
- Actuacións de dinamización para a sensibilización e prevención da violencia de xénero, coa finalidade de promover a erradicación dos roles e estereotipos de xénero que subxacen na base das violencias contra as mulleres.
- Establecemento de canles de comunicación e colaboración con outros axentes presentes no territorio que poidan ser de interese para o desenvolvemento das funcións anteriormente sinaladas.
- Calquera outra actuación que se adecúe ao obxectivo prioritario de prevención, sensibilización e loita contra todas as formas de violencia de xénero, incluídos os ámbitos social e laboral.