Nía Franco e Daniel Murado proclamáronse gañadores absolutos da XVI Carreira Popular Concello de Guitiriz Termal, organizada polo Concello coa colaboración do Club Atletismo Guitiriz e o apoio da Deputación de Lugo. Na proba participaron máis de 220 persoas entre a carreira e a V edición da andaina.

Na categoría masculina absoluta o segundo posto foi para Esteban Díaz e o terceiro para Marcos Codesal. Na feminina Carla González rematou en segundo lugar e Nerea Braña levou a medalla de bronce.

Na categoría biberón recibiron medalla todos os participantes. Na sub 10 os vencedores foron Arai Gallardo e Valentina Ares, mentres que na sub 12 gañaron Mireia Díaz e Mateo Vilela. En sub 14 remataron en primeiro posto Laura López e Antonio Sanmartín e en sub 16 fixérono Roi Fraga e Candela Castelo. Tamén se entregaron medallas aos gañadores da categoría sub 18, Noa Quiroga e Brais Martínez.

Na proba sénior, Miguel García e Vanesa Vázquez encabezaron a proba, mentres que nas categorías máster os vencedores foron os seguintes: Máster 1 Marcos Pereira e María Álvarez; Máster 2 Victoria Moscoso e Manuel Rendo; e Máster 3 Juan Antonio Castro.

Proximamente anunciarase a cantidade total recadada a través das inscricións e da Fila 0, que irán a parar á asociación Somos Unidos Contra el Cáncer.