O Concello de Guitiriz celebrará a primeira andaina deste ano 2026 o domingo 25 de xaneiro, data na que está programada a Ruta polo río Requeixo.

Deste xeito, darán comezo as habituais rutas organizadas polas Escolas Deportivas Municipais en colaboración co Concello. A saída cara a andaina está fixada para ás 10:00 horas desde a ponte de Roca e o lugar de chegada será o Merendeiro dos Vilares ao redor das 14 horas.

Os participantes realizarán un percorrido duns 12 quilómetros aproximadamente, de dificultade baixa.

As inscricións poderanse formalizar desde o luns 20 de xaneiro no Concello de forma presencial ou a través do número de teléfono 982 37 01 09 ata o próximo xoves, 23 de xaneiro, ás 15:00 horas.

A andaina é totalmente gratuíta e aberta ao público en xeral pero os menores de idade terán que ir acompañados dunha persoa adulta.