A Piscina Municipal abrirá as súas portas o vindeiro luns, 29 de xuño, a partir das 14:00 horas.
Informamos ademais de que, a partir desta tempada, non se admitirán pagamentos en efectivo na propia piscina. A compra de entradas nas instalacións realizarase exclusivamente mediante un código QR que permitirá efectuar o pagamento de forma dixital. A través deste sistema só poderá adquirirse a entrada diaria de 2,50 euros.
Ademais, as entradas e bonos poderán adquirirse a través da Sede Electrónica Municipal ou de maneira presencial na Casa do Concello. Nestes casos, haberá descontos para os empadroados.
Lembramos que as entradas e bonos de tempadas anteriores que non fosen utilizados non caducan, polo que poderán seguir empregándose durante a presente campaña.