DONA MARISOL MORANDEIRA MORANDEIRA, ALCALDESA-PRESIDENTA DO CONCELLO DE GUITIRIZ (LUGO)
FAI SABER:
Que nos próximos meses terán lugar os traballos correspondentes ao novo inventario dixital de vivendas para a mellora da xestión do territorio.
Para a correcta execución deste proxecto, o persoal técnico da empresa adxudicataria visitará as vivendas das parroquias do noso termo municipal co fin de recoller os datos necesarios e fixar as novas numeracións.
Por todo iso, e de cara ao correcto desenvolvemento dos traballos, prégase á veciñanza que teña en conta as seguintes indicacións:
- Todo o persoal técnico que realice as visitas deberá identificarse correctamente.
- Solicítase a máxima colaboración da veciñanza para axilizar os traballos e así evitar erros na asignación das numeracións das vivendas.
- Ante calquera dúbida, a veciñanza poderá poñerse en contacto coas oficinas municipais do Concello.
O que se fai público para xeral coñecemento, agradecendo de antemán a colaboración da cidadanía.
A Alcaldesa, Marisol Morandeira Morandeira