O Concello de Guitiriz abrirá mañá, xoves 28 de maio, o prazo de inscrición para participar nunha viaxe a Pontevedra que terá lugar o vindeiro 11 de xuño. A excursión inclúe a visita á Illa de Tambo, ao Pazo de Lourizán e a Combarro.

As inscricións poderanse formalizar ata o luns 8 de xuño de xeito presencial na Oficina de Turismo, situada na Casa do Concello. As prazas serán limitadas e terán preferencia as persoas empadroadas no municipio. Ademais, será necesario que se anoten un mínimo de 40 persoas para levar a cabo a actividade.

A viaxe, na que colabora o Concello de Guitiriz, ten un prezo de 65 euros por persoa. O importe inclúe almorzo, xantar, desprazamentos en autobús, catamarán e seguro de viaxe. A saída está prevista ás 8:30 horas desde o Campo da Feira de Guitiriz.

As persoas interesadas poden obter máis información chamando ao teléfono 982 37 07 09.