O Concello de Guitiriz busca persoas voluntarias para participar no proxecto de Integración lingüística e cultural de persoas estranxeiras. Non existe límite de prazo para a inscrición, polo que as persoas interesadas poderán facerse voluntarias en calquera momento.

O obxectivo deste proxecto é o de de favorecer a inclusión e a convivencia no municipio. As persoas interesadas poden inscribirse no propio Concello e formar parte deste grupo de voluntariado. As sesións terán lugar todos os mércores, de 12:00 a 13:00 horas. Para máis información, pódese contactar co Departamento de Servizos Sociais municipais no teléfono 982 370 109 (extensión 1).