SITUACIÓN SANITARIA | O Concello de Guitiriz rexistra hoxe, 16 de febreiro, 118 casos activos por COVID-19.

A pesar de que a cifra de afectados pola enfermidade baixa, desde o Concello de Guitiriz facemos un novo chamamento á responsabilidade común. Todos e todas debemos contribuír para frear a cadea de contaxios.

Actualmente están prohibidas as reunións con persoas NON CONVIVENTES. É unha cuestión de saúde pública. Por desgraza, unha época tradicional de festexo coma o Entroido non pode permanecer allea a esta realidade. Non está permitido manter xuntanzas con persoas fóra da unidade familiar. Son feitos delitivos e gravemente sancionados polas autoridades.

Por outra banda, as persoas que garden a obriga de permanecer confinadas por portar a enfermidade ou por estar en contacto directo con ela NON PODEN SAÍR. A COVID-19 nas súas múltiples variantes é un virus cunha alta capacidade de contaxio. Incumprir o confinamento domiciliario é un feito moi serio e igualmente punible.

Por favor, actuemos con sentido común. Só así poderemos vencer o virus.